Plantun de Prouvènço

Pèr coumpara dos planto d'encò nostre

Myriophyllum spicatum & Helichrysum stoechas

Myriophyllum spicatum

Haloragaceae

Nom en français : Myriophylle en épi.

Descripcioun :
Forto planto d'aigo que pòu faire fin qu'à 3 mètre de long. Li fueio, souvènt rouginasso, soun facho de 13 à 35 fiéu e verticilado pèr 4. S'estacon long de la cambo primo e boutisso (fotò). Li flour aparèisson au bout de l'espigo e soun mistoulino e blanco.

Usanço :
Lis indian d'Americo manjavon li racino cruso o cuecho. Sarien bono contro li fèbre.

Port : Grando erbo
Taio : 1 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Myriophyllum
Famiho : Haloragaceae

Coulour de la flour : Blanco
Petalo : ges
Ø (o loungour) flour : 1 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Mueio
Estànci : Termoumediterran à Mountagnard
Couroulougi : Subrecousmoupoulito
Ref. sc. : Myriophyllum spicatum L., 1753

Inmourtalo-jauno

Helichrysum stoechas

Asteraceae Compositae

Àutri noum : Inmourtalo, Saureto, Flour-dóu-bon-Diéu, Catàrri, Eternalo.

Noms en français : Immortelle, Immortelle jaune.

Descripcioun :
L'inmourtalo-jauno es uno poulido planto coumuno que fai de mato de pichot bouissoun majamen sus la sablo. Se recounèis eisadamen emé si flour coumpausado jauno d'or que se podon garda de tèms. H. italicum fai de flour coumpausado mai pichoto (emé de bratèio mens sarrado) alor que H. serotinum flouris tardivamen.

Usanço :
Emai siguèsse pas gaire utilisado au nostre, l'inmourtalo-jauno es uno planto couneigudo pèr si vertu dins d'ùni païs mediterran. Demié tóuti, citarèn si prouprieta anti-bateriano e anti-enflamativo que soun di proun estudiado à l'ouro d'aro. En òli, li flour soun bono pèr la pèu. Se bouton peréu dins lou manja pèr perfuma li liéume e li cerealo.

Port : Pichoto planto lignouso
Taio : 5 à 50 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helichrysum
Famiho : Asteraceae
Famiho classico : Compositae
Tribu : Gnaphalieae

Coulour de la flour : Jauno
Petalo : >6
Ø (o loungour) enflourejado : 1 à 5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à setèmbre

Liò : Garrigo - Roucaio - Tepiero seco - Mar
Estànci : Termoumediterran à Mountagnard
Couroulougi : Eurimediterrano
Ref. sc. : Helichrysum stoechas (L.) Moench, 1794

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Myriophyllum spicatum & Helichrysum stoechas

RRR

Coumpara Mirioufile(-en-espigo) emé uno autro planto

Coumpara Inmourtalo-jauno emé uno autro planto